فخامة المعلم بطل هوه اللى حامينا
من شهر كان فيه أمل يهزم أعادينا
قلنا له كيلنا طفح قال شوفوا ها اعمل إيه
طول عمرى راجل جدع يا رب قوينا
قلنا له جارنا هدم لينا جدار البيت
والزرع كله فسد وما عدش لينا غيط
ومراتك اللى وقف لها ف الرايحة والجاية
قال طب سيبونى أحسب لها ماتخرش المية
فكر وفكر ثم فكر بعدها نطق العبيط
جاب طرحة سودا لفها وشبكها بالورده
وف حته ضلمه راح وقف عامل كده فرده
لحظة ما جاله العدو زعق وقال له بخ
وشتمه يا ابن الكلب أهو كل يوم من ده
ليست هناك تعليقات:
إرسال تعليق