المعلم القهوجى

فخامة المعلم بنى لابنه قهوة عشان المزاج

بيشرب يعفر .. ويسحب يكركر .. وجنبه العلاج

وقاعد يبحلق ف كل اللى رايح وكل اللى جاى

لمح واحدة وحشة .. طويلة طخينة وفيها انبعاج

وقال : يانهار أسود ده ايه اللى عجبه الحمار البهيم

عشان تبقى زوجته .. وحتى طليقته سخام الحكيم

وشكلك مصيبة ووش المصايب أدينى سألتك وفين الجواب

وينفخ يبرطم ويضرب ف كفه المعلم سليم

قالت له : الحقيقة صفاتنا نشوفها ساعة ما نشوفوك

وكل اللى صحيح يا بن بطنى وتربة أبوك

بتتمنى موتى ماهو انت مرايتنا معلم حارتنا يا ريت يعزلوك

ولو مرة تسأل : ده ايه اللى عاجبه فيه واختارنى

هقول هوه برضه اللى خلى البهايم ف يوم يختاروك .

المعلم القهوجى

فخامة المعلم بنى لابنه قهوة عشان المزاج

بيشرب يعفر .. ويسحب يكركر .. وجنبه العلاج

وقاعد يبحلق ف كل اللى رايح وكل اللى جاى

لمح واحدة وحشة .. طويلة طخينة وفيها انبعاج


وقال : يانهار أسود ده ايه اللى عجبه الحمار البهيم

عشان تبقى زوجته .. وحتى طليقته سخام الحكيم

وشكلك مصيبة ووش المصايب أدينى سألتك وفين الجواب

وينفخ يبرطم ويضرب ف كفه المعلم سليم


قالت له : الحقيقة صفاتنا نشوفها ساعة ما نشوفوك

وكل اللى قلته صحيح يا بن بطنى وتربة أبوك

بتتمنى موتى ماهو انت مرايتنا معلم حارتنا يا ريت يعزلوك

ولو مرة تسأل : ده ايه اللى عاجبه فيه واختارنى

هقول هوه برضه اللى خلى البهايم ف يوم يختاروك

فخامة المعلم حدق .. عامل كده فاهم

يفتى ف كل الأمور .. والحكم له دايم

والناس تروح له تسأله لما بتتأزم

وصاحبنا صدق بعدها إنه صحيح عالم

ـــــــــــــــــــــــــــــــــــــــــــــــــ

من شهر جت مشكلة والكل كان محتاس

الجرة كات ضيقة .. والتور دخل بالراس

والناس بتضرب ع الكفوف .. إزاى نخلصها ؟!

قالوا وليه التعب .. ما تروحوا للنبراس

ـــــــــــــــــــــــــــــــــــــــــــــــــــــــــــــــ

قال : اقطعوا راسه تتحل أزمتكوا

واحد نزل بالسيف .. قال ده اللى هيفيدكوا

التور وقع ف الحال ودماغه محشوره

يبقى ما فيش غير إيه ؟! نكسرها جرتكوا

ــــــــــــــــــــــــــــــــــــــــــــــــــــــــــــ


كسروها فى لحظة والكل بيزغد

بصوا لحلال العقد .. قاعد وبيعيط

سألوه بتبكى ليه وانت اللى حلتها

قال : بكرة اموت يا بقر والدنيا هنفوتها

طب مين يحل المشاكل لما هتتعقد

فى قاعة المحكمة

فخامة المعلم قعد قاضى ف مجلسنا

والواد صبيه ينادى ع الدور ويفرزنا

واما الخواجه وصل فتح البيبان ف الحال

حتى المعلم وقف يسأله طب ليه بيحبسنا ؟!

انت اللى قاتله والسبب البصمه ف جروحه

قال : لأه ورخمة أبوك هوه اللى قتل روخه

حكمت براءة المحكمة والناس تسقف له

والباقى يلعن دخلته طلعت لنا روحه


ودخلت بعده أتسأل عن ضربة بالسكين

رديت نفيت له فعلها وحلفت ألف يمين

قال : يعنى ضرب نفسه ؟! ليلة أبوكم طين

انت اسمك ايه يا ابن المرة قولى ؟

قلت ان إسمى" خسن " وأبويا اسمه " خسين "

قصة البيت

فخامة المعلم بطل هوه اللى حامينا

من شهر كان فيه أمل يهزم أعادينا

قلنا له كيلنا طفح قال شوفوا ها اعمل إيه

طول عمرى راجل جدع يا رب قوينا


قلنا له جارنا هدم لينا جدار البيت

والزرع كله فسد وما عدش لينا غيط

ومراتك اللى وقف لها ف الرايحة والجاية

قال طب سيبونى أحسب لها ماتخرش المية

فكر وفكر ثم فكر بعدها نطق العبيط


جاب طرحة سودا لفها وشبكها بالورده

وف حته ضلمه راح وقف عامل كده فرده

لحظة ما جاله العدو زعق وقال له بخ

وشتمه يا ابن الكلب أهو كل يوم من ده